Murati: Kushdo që pretendon se Qeveria bllokon llogari të komunave gënjen

Ministri i Financave, Hekuran Murati, nëpërmjet një postimi në profilin e tij në Facebook, i ka quajtur dezinformata pretendimet se Qeveria e Kosovës ia ka bllokuar llogarinë Komunës së Suharekës. Sipas Muratit, kushdo që pretendon se Qeveria bllokon llogari të komunave, gënjen. Ai ka thënë se llogaritë bllokohen nga përmbaruesit dhe vendimet e prera gjyqësore.

“Dezinformatat nuk kalojnë!

Kushdo që pretendon se Qeveria bllokon llogari të komunave, gënjen. Qeveria nuk bllokon llogari, e aq më pak komunave.

Llogaritë bllokohen nga përmbaruesit dhe vendimet e prera gjyqësore”, ka thënë ministri Murati.

Rruga Press