Moti i keq/ Bashkia i bën thirrje qytetarëve në Vlorë: Shmangni lëvizjet

Moti i keq ka përfshirë vendin që prej ditës së djeshme, ndërsa meteorologët kanë parashikuar përkeqësim të situatësë. Ndër qytetet më të prekura nga stuhia dhe era e fortë është Vlora.

Bashkia e këtij qytetit bregdetar u ka bërë thirrje banorëve që të shmangin të gjitha lëvizjet me makina për shkak të shirave të dendur dhe erërave të forta qe priten ne vijim. Ndërkaq, dje autoriteti portual njoftoi pezullimin e lundrimit për anijet e vogla dhe ato të peshkimit.