“Mos u tallni me fshatin”, fermerët dhe blegtorët e Jugut në protestë: Subvencionet nuk na mbështesin

Blegtorët dhe fermerët e Jugut janë mbledhur sot, 21 shkurt në qytetin e Përmetit për të vështirësuar mbi vështirësitë që po hasin në këtë sektor.

Gazetarja e Ora News Entiola Budo ishte së bashku me fermerët për të pasqyruar kërkesat e tyre.

Kryetrari i shoqatës së prodhuesve vendorë në mbështetje të blegtorëve të Përmetit tha se protesta po bëhet duke marrë në konsideratë rritjen e çmimeve dhe subvencionet.

“Subvencionet nuk mbështesin dhe nuk përfaqësojnë denjësisht fermerin dhe blegtorin shqiptar duke mos e bërë konkurrues edhe me rajonin. Kjo ka detyruar fermerët dhe blegtorët pothuajse të gjithë Shqipërisë të lënë punën e tyre dhe të gjenden sot në rrugë. VKM që ka dalë në datën 09.02 nuk rrit dhe nuk i jep mundësi fermerëve dhe blegtorëve të kalojnë këtë krizë në të cilën gjenden.”

Kryetari i shoqatës tha se kjo protestë do vijojë edhe në qytetet e tjera të Shqipërisë.

Disa nga pankartat që mbanin në duar ishin: “Subvencione=gënjeshtra”, “Mos u tallni me fshatin”, “Ulni çmimin e naftës”, “Na e hoqët përsheshin me qumësht.”

Rruga Press