Misteri nën ujë, marina amerikane merr masat pas incidentit me nëndetësen bërthamore

Marina amerikane ka shkarkuar nga detyra tre anëtarë të ekuipazhit në bordin e një nëndetëseje bërthamore që u përplas me një shkëmb nënujor.

Sipas BBC, komandanti Cameron Aljilani dhe dy të tjerë u ndëshkuan pas një hetimi për incidentin në detin e diskutueshëm të Kinës Jugore. USS Connecticut goditi objektin muajin e kaluar, duke e detyruar anijen të dilte në sipërfaqe për një javë dhe të lundronte në territorin amerikan të Guamit.

Zyrtarët e marinës thonë se anëtarët e ekuipazhit “mund ta kishin parandaluar” përplasjen. Javën e kaluar, marina tha se nëndetësja kishte goditur një “shkëmb nënujor” të paeksploruar ndërsa patrullonte nën ujë.

Pesëmbëdhjetë marinarë pësuan lëndime të lehta. Nëndetësja aktualisht po kontrollohet për dëmtime në Guam përpara se të kthehet në Uashington për riparime. Incidenti ndodhi mes tensioneve në rritje në rajon.

Rruga Press