Ministria e Mbrojtjes së Republikës së Kosovës shpall konkurs të ri për rekrutimin e rreth 1000 ushtarëve

Ministri i Mbrojtes Armend Mehaj me anë të një postimi ka njoftuar hapjen e konkursit të hapur për rekrutimin e 612 ushtarëve aktiv dhe 388 pjesëtarëve të komponentës rezervë të FSK-së. Njoftimi i plotë:

“NJOFTIM

Ministria e Mbrojtjes sot shpall konkursin e hapur për rekrutimin e 612 ushtarëve aktiv dhe 388 pjesëtarëve të komponentës rezervë të FSK-së.

Ministria e Mbrojtjes njofton të gjithë të rinjtë e të rejat se mundësia e konkurrimit është për të gjithë të interesuarit për aplikim nga mosha 18 – 25 vjeç, shtetas të Republikës së Kosovës.

Për procedurat e aplikimit dhe përzgjedhjes, procedurat e testimit dhe kriteret, si dhe dokumentet e kërkuara për aplikim, ju njoftojmë në shpallje të konkursit që është në linkun https://mod.rks-gov.net.

Kandidatët plotësojnë formularin e aplikimit online https://rekrutimi.fsk-rks.org/Apply dhe bashkëngjisin të gjitha dokumentet tjera të kërkuara nga ky formular.

Konkursi është i hapur prej 15.12.2022 deri më 15.01.2023.

Për informata plotësuese, mund të kontaktoni në nr. tel. 038- 555584 2044 dhe 038- 555584 2045 nga ora 09:00 deri 15:00.

Ministria e Mbrojtjes, të gjithë të interesuarve, ju garanton proces të drejtë dhe transparent, në zbatueshmëri të plotë të procedurave dhe kritereve ku do të zgjidhen më të mirët prej më të mirëve.

Ministria e Mbrojtjes mirëpret aplikacione të të gjithëve me inkurajim të vajzave e grave dhe të gjithë të rinjëve e të rejave pa dallim nga përkatësia e tyre etnike.

Bëhu ushtar i Republikës së Kosovës!”

Rruga Press