Ministria e Jashtme e Rusisë e quan Qeverinë e Kosovës “radikalët e Prishtinës”

Ministria e Punëve të Jashtme të Rusisë ka fajësuar Qeverinë e Kosovës për situatën e krijuar në veri.

Ajo ka thënë se situata gatisa nuk përfundoi me përplasje. I ka bërë thirrje SHBA-së dhe BE-së që të ndalojnë “së inkurajuari radikalët e Prishtinës”.

“Zhvillimi i ngjarjeve në veri të Kosovës shkakton shqetësim serioz, ku për shkak të përpjekjeve të Prishtinës, rasti përpak sa nuk përfundoi me përplasje. I bëjmë thirrje SHBA-së dhe BE-së që të ndalojnë së inkurajuari radikalët e Prishtinës, të ndalojnë provokimet kundër serbëve të Kosovës dhe Beogradit”, thuhet në postimin e zëdhënëses së MPJ-së së Rusisë, Maria Zakharova në Twitter.

Edhe gjatë trazirave të së dielës, Rusia i kishte dhënë përkrahje Serbisë.

Madje presidenti i Serbisë, Aleksandar Vuçiq, e falënderoi në fund Rusinë për këtë përkrahje.

Serbia është ndër vendet e pakta në Evropë që nuk i kanë vendosur sanksione Rusisë shkaku i pushtimit të Ukrainës të nisur më 24 shkurt.

Rruga Press