Ministri Murati prezanton edhe një sukses të Qeverisë: Buxheti për komunat arrin në mbi 742 milionë euro
Ministri i Financave, Punës dhe Transfereve (MFPT), Hekuran Murati bëri të ditur se dje kanë dorëzuar edhe qarkoren e dytë për buxhetin komunal për vitin 2024, e cila parasheh që buxheti i komunave të rritet në 742.3 milionë euro.
Kështu po bëhet tashmë viti i dytë radhazi që rritja e buxhetit për komunat është në përqindje dyshifrore krahasuar me vitin paraprak.
“Në vlerë absolute, buxheti i vitit 2024 rritet për gati 90 milionë euro krahasuar me vitin 2023. Kurse nga fillimi i mandatit, për tri vite, buxheti vjetor i komunave është rritur për 195 milionë euro më shumë”, ka thënë Murati.
Ai shtoi se suksesi Qeverisë në menaxhimin më të mirë të financave publike dhe në mbledhjen e të hyrave po përkthehen në buxhet më të lartë për komunat.
Rruga Press