Ministri Murati: Familjet në asistencë sociale këtë muaj mbështeten për blerjen e druve të zjarrit

November 22, 2023 User2

Ministri i Financave, Hekuran Murati, ka njoftuar se secila familje që është përfituese e asistencës sociale, këtë muaj do të ketë edhe mbështetje shtesë të njëhershme për blerjen e lëndës djegëse për ngrohje gjatë dimrit.

“Secila familje që është përfituese e asistencës sociale, këtë muaj do të ketë edhe mbështetje shtesë të njëhershme për blerjen e lëndës djegëse për ngrohje gjatë dimrit, përkatësisht blerjen e druve të zjarrit”, ka njoftuar Murati.

Lexo më shumë Gjenden kamera të kamufluara në veri, dyshohet se u përdoren nga institucionet serbe

Murati ka njoftuar se në kuadër të mbështetjes së familjeve në nevojë për të tejkaluar dimrin me sa më pak vështirësi, në mbledhjen e sotme të Qeverisë kanë miratuar ndarjen e 5 milionë eurove nga Pakoja Energjetike e Bashkimit Evropian (BE).

“Mbështetja financiare për këtë masë vjen nga Pakoja Energjetike e finacuar nga Bashkimi Evropian, e cila kap vlerën 75 milionë euro në total”, ka njoftuar tutje ministri.

Lexo më shumë Kryeministri Kurti viziton ekspozitën “Experience” të artistit Shuk Orani, në Hamburg

Sipas tij, gjatë ditëve në vijim do të bëhet verifikimi i listave dhe MFPT-ja do të njoftojë me kohë edhe përfituesit në lidhje me zbatimin e kësaj mase.

Rruga Press