Lajme

Milatoviq kërkon drejtësi për vrasjet e shqiptarëve në Mal të Zi më 1999 – propozon edhe ngritjen e një memoriali

user 1

Presidenti i Malit të Zi, Jakov Milatoviq ka kërkuar drejtësi për vrasjet e shqiptarëve të Kosovës në vitin 1999.

Kjo kërkesë e tij ka ardhur saktësisht 25 vjet pasi trupat ushtrisë Jugosllave vranë gjashtë shqiptarë të Kosovës, duke përfshirë dy fëmijë, në një fshat kufitar.

“Viktimat e krimit në Kaludjerski Laz, të kryer saktësisht 25 vjet më parë në vitin 1999 në Mal të Zi, meritojnë drejtësi dhe autoritetet nuk duhet të heqin dorë nga vërtetimi i së vërtetës dhe vënia e autorëve para përgjegjësisë”, tha Milatoviq.

Presidenti malazez shtoi se ky krim përfaqëson një kapitull të errët të historisë sonë, i shënuar nga humbja e jetëve të pafajshme, atyre që kërkuan strehim në vendin tonë.

Lexo më shumë  KFOR-i, EULEX-i dhe Policia e Kosovës përfundojnë stërvitjen “Golden Sabre 2024”

“Gjithashtu, bëj thirrje për ngritjen e një memoriali dinjitoz që do të nderojë përgjithmonë viktimat, por edhe do të shërbejë si vend mësimi për brezat e ardhshëm”, ka shkruar Milatoviq në “X”.

Në Kaludjerski Laz, një fshat afër kufirit me Kosovën, anëtarët e Ushtrisë Jugosllave vranë gjashtë civilë shqiptarë të Kosovës, duke përfshirë dy fëmijë, më 18 prill 1999.

Pesë të tjerë u plagosën në sulm, i cili ndodhi gjatë bombardimeve 78-ditore të NATO-s ndaj Jugosllavisë, që synonte ta detyronte presidentin Sllobodan Millosheviq të tërhiqte forcat serbe nga Kosova.

Këtë vit, OJQ-të i kërkuan edhe Prokurorisë Speciale të Shtetit që të rishqyrtojë rastin.

Lexo më shumë  Kryeministri Kurti: Qeveria e Kosovës po harton ligj të ri për mbrojtjen nga diskriminimi

Aksioni për të Drejtat e Njeriut tha se ndëshkimi i krimeve të luftës është i rëndësishëm për viktimat dhe familjet e tyre, por edhe për të gjithë shoqërinë, pasi do të ndihmonte në parandalimin e përsëritjes së krimeve të tilla.

Rruga Press

YouTube player