Mihali: Pesë anëtarët e Kushtetueses aktivizohen kur atyre që i kanë jashtë nuk iu ec vota në popull
Koordinatorja e Komiteteve në Lëvizjen Vetëvendosje, Dejona Mihali, tha se anëtarët e Gjykatës Kushtetuese “aktivizohen kur atyre që i kanë jashtë nuk iu ec vota në popull”, teksa ka komentuar vendimin e publikuar të premten përmes së cilit u shfuqizuan 13 ligje që më parë ishin votuar në Kuvendin e Kosovës.
Kushtetuesja të premten njoftoi se partia në pushtet më 5 dhjetor 2024 pati shkelur procedurat duke marrë vendim që disa ligje t’i miratojë në dy lexime brenda një dite.
Vendimi u mor me miratimin e pesë anëtarëve të Kushtetueses.
Teksti i plotë i Dejona Mihalit:
1 vit e 1 muaj i mbajti të ngujuara dhjetra ligje të seancës plenare të 5 dhjetorit 2024 Gjykata Kushtetuese.
Afati që duhej të përgjigjej ishte maksimumi 3 muaj.
Ama priti 4 palë zgjedhje dhe të gjitha numërimet e votave.
Sot vendosi të na informojë se seanca plenare e thirrur sipas rregullave të Rregullores së Kuvendit na qenkërka joprocedurale.
Nuk dihet prej kur Kushtetuesja merret me rregulloret dhe procedurat e seancave teksa shumica voton e vendos se si mbahen ato.
Por çka dihet është se 5 anëtarët aktivizohen kur atyre që i kanë jashtë nuk iu ec vota në popull.
Rruga Press