Mehaj takohet me Minxhozin, diskutojnë bashkëpunimin Kosovë – Shqipëri

Ministri i Mbrojtjes së Kosovës, Armend Mehaj ka pritur sot në takim ambasadorin e Shqipërisë në Kosovë, Qemal Minxhozin, me të cilin diskutuan për zhvillimet e përgjithshme të sigurisë, me theks të veçantë pas agresionit ushtarak të Rusisë mbi Ukrainën dhe reflektimit të tij, ndër tjera, edhe në rajon.

Mehaj ka thënë me këtë rast se Shqipëria dhe Kosova me bashkëpunimin e ngushtë vëllazëror do të mposhtin sfidat në rrugëtimin e përbashkët euroatlantik.

“Krahas vlerësimit të përbashkët të bashkëpunimit të lartë në mes dy vendeve në fushën e mbrojtjes dhe sigurisë, e falënderova dhe shpreha mirënjohjen e lartë për vendimin e autoriteteve të Shqipërisë për shtimin e trupave të FARSH në KFOR. E ardhmja e vendeve tona është e qartë dhe e sigurt me rreshtimin tonë historik përkrahë vendeve demokratike perëndimore, qoftë si Shqipëria, vend anëtare e NATO-së, qoftë si Kosova, vend aspirues i vendosur për anëtarësim të shpejtë në të”, ka shkruar Mehaj në Facebook.

Rruga Press