Media franceze u bën jehonë dronëve luftarakë të Turqisë
Pjesëmarrës në një emision televiziv në kanalin “BFM Business”, Benaouda Abdeddaim foli për hapat e ndërmarra nga Turqia në fushën e industrisë së mbrojtjes, transmeton Kosova Post.
Ai risolli në vëmendje se droni “Kargu-2”, i cili u përdor në Libi vitin e kaluar, u përmend në raportin e Kombeve të Bashkuara; ndërsa vuri në pah se një zonë konflikti u vu në shënjestër nga një mjet ajror plotësisht autonom, pa u kontrolluar nga njeriu, për herë të parë në historinë botërore.
Duke potencuar se dronët luftarakë turq ndryshuan rrjedhën e luftës në Siri e Karabak dhe rezultuan efektivë kundër organizatës separatiste terroriste PKK në veri të Irakut, Abdeddaim tha gjithashtu se Azerbajxhani u përforcua ndjeshëm përballë Armenisë falë këtyre mjeteve ajrore luftarake të prodhuara nga industria turke e mbrojtjes.
Po ashtu gazetari francez nënvizoi se Polonia, një shtet anëtar i NATO-s, ka finalizuar tashmë një marrëveshje blerjeje për dronët “Bayraktar TB2”.