“Me vlerë 330 milionë euro”, opozita bjelloruse: Kemi rrëzuar një avion rus pranë Minskut

Opozita bjelloruse tha të dielën se një avion rus i inteligjencës, vëzhgimit, zbulimit dhe komandës ishte shkatërruar në një aeroport afër Minskut në atë që e quajti “operacioni sabotues më i suksesshëm” në vend që nga fillimi i luftës në Ukrainë.

“Kryengritësit kanë konfirmuar suksesin e një operacioni special për të hedhur në erë një avion rus në aeroportin Machulitsa, afër Minskut,” tha Franak Viakorka, një këshilltar dhe bashkëpunëtor i ngushtë i Svetlana Tsykhanovskaya.

Sipas zotit Viakorkas, operacioni u krye nga dy bjellorusë.

“Ata tashmë janë larguar nga vendi dhe janë të sigurt,” shtoi ai.

GLORY TO BELARUSIAN PARTISANS!

Partisans from the "Pieramoha" (Victory) plan confirmed a successful special operation to blow up a rare Russian plane at the airfield in Machulishchy near Minsk. This is the most successful diversion since the beginning of 2022. pic.twitter.com/4Q6UmmvylT

— Franak Viačorka (@franakviacorka) February 26, 2023

Ai nuk ka përmendur llojin e avionit që është shkatërruar, por ka theksuar se kostoja e tij është 330 milionë euro dhe ka postuar një foto që nuk lë shumë dyshime.

Lexo më shumë  Fluturimet e shumta ruse drejt Teheranit gjatë protestave nxisin dyshime se Irani po transferon arin në Rusi

Sipas mediave pranë opozitës, bëhet fjalë për një avion A-50 i projektuar nga sovjetikët.

I am proud of all Belarusians who continue to resist the Russian hybrid occupation of Belarus & fight for the freedom of Ukraine. Your brave actions show the world that Belarus stands against imperial aggression. Glory to our heroes! https://t.co/cechjiHolb

— Sviatlana Tsikhanouskaya (@Tsihanouskaya) February 26, 2023

“Unë jam krenare për të gjithë bjellorusët që vazhdojnë t’i rezistojnë pushtimit hibrid rus të Bjellorusisë dhe të luftojnë për lirinë e Ukrainës,” tha Tsykhanovskaya në Twitter.

Rruga Press