‘Me sytë kah Kina’, India pritet që nga prilli të ketë në funksion sistemin e mbrojtjes raketore S-400

Me kërcënimin nga Kina në mendjen e saj, India po kërkon të vërë në funksion njësinë e parë të sistemit të avancuar të mbrojtjes raketore tokë-ajër S-400 Triumf deri në këtë prill.

Sipas mediave të huaja, të pesë njësitë e sistemit do të vendosen në zona strategjike për të shmangur kërcënimin e Kinës, sipas burimeve zyrtare.

Të gjitha këto pesë njësi mund të hyjnë në funksion deri në vitin e ardhshëm.

Sistemi S-400 i prodhuar nga Rusia mund të rrëzojë një avion ose raketë në një distancë midis 40 km dhe 400 km.

Ai u ble nga India në një marrëveshje prej 5 miliardë dollarësh, e nënshkruar në tetor të vitit 2018.

Dhe ngarkesat paraprake të dy sistemeve S-400 tashmë kanë mbërritur në Indi nga Rusia ndërkohë që puna për montimin e sistemeve po vazhdon nga ekipet indiane që janë trajnuar nga Rusia.

Sipas mediave, dorëzimi i skuadriljes së parë pritet të përfundojë në fund të këtij viti dhe pajisjet po sillen në Indi përmes rrugëve detare dhe ajrore.

Rruga Press