“Më mirë vonë se kurrë”, Konjufca për ngritjen e aktakuzës ndaj sulmuesve në Banjskë

Kryetari i Kuvendit, Glauk Konjufca, tha se përdor frazën “më mirë vonë se kurrë” për ngritjen e aktakuzës ndaj 45 personave për rastin “Banjska”, duke e konsideruar këtë lajm të mirë.

Ai është shprehur se organeve të drejtësisë iu mbetet të merren me rastin dhe të përfshirët të dërgohen në bankën e drejtësisë.

“Pasi kjo çështje të bëhet objekt i drejtësisë, ne gjithë fokusin ta kemi në institucionet e drejtësisë. Duhet që kriminelët që ishin përgjegjës ku u vra rreshteri Afrim të dalin para bankave të drejtësisë”, ka thënë ai.

Prokuroria Speciale e Kosovës ka njoftuar të mërkurën për ngritjen e aktakuzës ndaj 45 personave për sulmin terrorist në Banjskë të Zveçanit më 24 shtator 2023.

Rruga Press