Me energji bërthamore, nëndetësja amerikane goditet nga një objekt i panohur në Kinë

Një nëndetëse amerikane me energji bërthamore goditi një objekt të panjohur në Detin e Kinës Jugore ndërsa 11 marinarë pësuan lëndime kryesisht të lehta.

 Sky News shkruan se impianti bërthamor ‘USS Connecticut’ është në një gjendje të sigurt dhe të qëndrueshme pas incidentit më 2 tetor. Nëndetësja sulmuese e klasës Seawolf është me energji bërthamore, por flota tha se sistemi i saj shtytës nuk ishte prekur dhe është plotësisht operacional.

Dy zyrtarë të Marinës, duke folur në mënyrë anonime, thanë se ishte e paqartë se çfarë goditi nëndetësja, por nuk ishte një nëndetëse tjetër. Njëri tha se mund të ketë qenë një anije, kontejner i fundosur ose një objekt tjetër i panjohur. Vendndodhja e saktë e përplasjes nuk u specifikua në deklaratën zyrtare të Flotës së Paqësorit, e cila tha se ndodhi ndërsa ishte zhytur në ujërat ndërkombëtare në rajonin Indo-Paqësor.

“Siguria e ekuipazhit mbetet përparësia kryesore e Marinës. Nuk ka lëndime kërcënuese për jetën. Shkalla e dëmtimit të pjesës tjetër të nëndetëses po vlerësohet. Marina amerikane nuk ka kërkuar ndihmë. Incidenti do të hetohet,”thuhet në deklaratë.

Zyrtarët e Marinës thanë se dy marinarë kishin pësuar lëndime të moderuara dhe nëntë lëndime të lehta, të tilla si mavijosje dhe gërvishtje. Ata thanë se nëndetësja u drejtua drejt portit në Guam pas incidentit dhe se nuk u njoftua më herët për të ruajtur sigurinë operacionale.

Rruga Press