Mbi 30 liderë nga e gjithë bota mblidhen në Samitin e energjisë bërthamore në Bruksel

Mbi 30 liderë dhe delegacione nga e gjithë bota u mblodhën në Samitin e Energjisë bërthamore në Bruksel, të enjten.

Udhëheqësit thuhet se po mbështesin idenë për të përdorur energjinë bërthamore për të ndihmuar në arritjen e qëllimit të një globi neutral ndaj klimës, duke u dhënë më shumë vendeve një ndjenjë të shtuar të pavarësisë ekonomike dhe të sigurisë, raportoi AP.

Një samit i tillë do të kishte qenë i paimagjinueshëm dhjetëra vjet më parë, pas aksidentit bërthamor të Fukushimës në Japoni në vitin 2011.

Por një planet që po ngrohet, duke krijuar nevojën për të hequr dorë nga lëndët djegëse fosile dhe lufta në Ukrainë, duke nxjerrë në pah një varësi nga energjia ruse, kanë ndryshuar rrjedhat gjatë gjysmë dekadës së fundit.

Ndërtimi i centraleve bërthamore kërkon shumë vite dhe projektet shpesh dëmtohen nga tejkalimet e kostove dhe afateve.

Takimi i së enjtes do të ishte një seancë e planifikimit strategjik pa pritur ndonjë rezultat praktik.

Në këtë takim nuk po merr pjesë Gjermania pasi pothuajse një vit më parë ajo mbylli tre reaktorët e saj të fundit bërthamorë, duke i dhënë fund një procesi që mori mbështetje të gjerë politike pas katastrofës së reaktorit bërthamor të Fukushimës në Japoni në vitin 2011.

Rruga Press