Mbi 100 viktima nga tornadot në Kentaki, Biden shpall gjendjen e fatkeqësisë

SHBA – Numri i të vdekurve nga tornadot e fuqishme që shkatërruan qytete në rajonin e Kentakit në Shtetet e Bashkuara ka të ngjarë të kalojë 100, pasi shpresa për të gjetur të mbijetuar zbehet. Sipas Guvernatorit Andy Beshear, kjo ishte ngjarja më shkatërruese në historinë e shtetit, me të paktën 80 vdekje të konfirmuara, ndërsa katërmbëdhjetë vdekje janë raportuar në katër shtete të tjera.

Ndërkohë, Presidenti Joe Biden ka shpallur gjendjen e fatkeqësi së madhe federale në Kentaki dhe ka urdhëruar që ndihma federale të vihet në dispozicion për zonat më të goditura. Punonjësit e shpëtimit kërkuan nëpër rrënoja për të mbijetuar, ndërsa ekipet shpërndanë ujë dhe gjeneratorë për banorët. Më shumë se 300 anëtarë të Gardës Kombëtare po shkonin derë më derë dhe po largonin mbeturinat.

“Ne jemi ende duke shpresuar ndërsa ecim përpara për ndonjë  mrekulli për të gjetur më shumë njerëz,” tha guvernatori gjatë një vizite në qytetin e Mayfield, një nga më të goditurit. Megjithatë, askush nuk është gjetur i gjallë që nga mëngjesi i së shtunës. Beshear tha se një tornado kishte shkatërruar shumë përgjatë rrugës së tij prej 365 km. Mijëra njerëzve u janë shkatërruar shtëpitë e tyre edhe pse numri i saktë nuk ishte ende i qartë.

Më parë, stuhia më e gjatë që një tornado kishte lëvizur mbi tokë në SHBA ishte një stuhi prej 219 miljesh në Misuri në mars 1925 që mori 695 jetë. Ngjarje të tilla madhore jashtë muajve të pranverës dhe verës janë jashtëzakonisht të rralla. Në Mayfield, stacioni i zjarrfikësve dhe bashkia u rrafshuan.

“Unë nuk mendoj se ka mbetur ndonjë copë xhami në ndonjë automjet apo pronë të qytetit që nuk është thyer,” tha kryebashkiaku Kathy Steëart.

Tetë vdekje u konfirmuan në një fabrikë qirinjsh që u godit kur 110 punonjës besohej se ishin brenda, tha një zëdhënës i kompanisë për agjencinë e lajmeve Reuters. Tetë persona të tjerë ishin ende të zhdukur.

Marrë nga cnn.com

Rruga Press