Mbështetje e madhe nga SHBA për Kosovën/ Kongresmeni Torres: SHBA-ja nuk duhet të mashtrohet më nga regjimi serb që luan me dy karrike
Ligjvënësi amerikan Ritchie Torres shprehu kritika ndaj administratës së presidentit Biden për qëndrimin ndaj Kosovës.
Përmes një video-mesazhi, ligjvenësi demokrat nga Neë Yorku, që është edhe bashkë-kryetar i grupit për çështjet shqiptare në Kongres, thotë se “beteja mes demokracisë dhe autokracisë është një nga sfidat kryesore për shekullin e 21”.
“Përse Departamenti amerikan i Shtetit po gjykon në mënyrë të gabuar Kosovën demokratike duke i bërë lëshime Serbisë, një vendi gjithnjë e më autokratik”, tha ai.
Tutje shtoi se Kosova është aleat i palëkundur i SHBA-së, ndërsa Serbia ka qenë prej kohësh një satelit në orbitën e Rusisë si dhe Kinës.
“Serbia ka refuzuar t’i vendosë sanksione Rusisë, pas agresionit në Ukrainë dhe krimeve të Putinit ndaj popullatës civile atje. Duke pasur parasysh këto fakte, njeriu pyet vetens e pse DASH këmbëngul t’i bëjë lëshime një shteti satelit i Rusisë, në kurriz të një aleati të qëndrueshëm demokratik si Kosova”, u shpreh kongresisti amerikan.
Torres theksoi se ka ardhur koha që Departamenti i Shtetit të vendosë mbështetjen e tij aty ku vlerat tona qëndrojnë, pas demokracive të vërteta si Kosova.
Kosovo is the strongest democracy in the Western Balkans.
— Ritchie Torres (@RitchieTorres) June 14, 2023
It is and has always been an unwavering ally of the United States, taking in Afghan refugees when few countries would.
The US State Department must stand with democracies like Kosovo. 🇽🇰 pic.twitter.com/UW7XblIfab
Rruga Press