Maqedoni e Veriut: 25 mijë doza të vaksinës Astra Zeneka, janë në kufi për t’iu dalë afati
25 mijë doza të vaksinës Astra Zeneka, janë në kufi për t’iu dalë afati. Këtë e kanë konfirmuar për “Alsat” nga Ministria e Shëndetësisë, të cilët kanë treguar se këto 25 mijë doza, kanë afat deri në nëntor të këtij viti.
Po ashtu, nga MSH, kanë treguar se posedojnë edhe 252 mijë e 680 doza të vaksinën Pfizer dhe 5 mijë doza të Sinovak-ut.
Nga MSH gjithashtu bëjnë me dije se rreth 30 mijë vaksina nga prodhuesi Pfizer, mbërrijnë çdo javë në vend.
“Vaksinimi dhe rivaksinimi me vaksinën e prodhuesit Pfizer është duke u zhvilluar, si dhe rivaksinimi me vaksinën nga prodhuesi Astra Zeneka. Sasitë aktuale nga prodhuesi Pfizer kanë afat deri janar/shkurt 2022, vaksinat nga prodhuesi Astra Zeneka kanë afat deri në nëntor 2021, ndërsa vaksinat nga prodhuesi Sinovak kanë afat deri në vitin 2023”, thonë nga MSH.
Kujtojmë se në njoftimin e sotëm të MSH-së, është bërë e ditur se dje në vend janë aplikuar gjithsej 4961 doza vaksine, prej të cilave 1.721 janë aplikuar si dozë e parë, 1.030 janë rivaksinuar, ndërsa 2.210 qytetarë kanë marrë dozën e tretë të vaksinës.
Rruga Press