KryesoreLajme

Maqedonci: Paga e ushtarit nga 616 do të arrijë në 726 euro

Ministri i Mbrojtjes, Ejup Maqedonci ka treguar se sa do të ketë pagën ushtari i Kosovës nga janari i vitit të ardhëm kur edhe do të fuqizohet vendimi i ekzekutivit për rritje pagash në sektorin publik.

Sipas tij, nga 616 euro sa e ka pagën një ushtar aktualisht, ajo do të arrijë në 726 euro.

Lexo më shumë  Përgatituni t’ia uroni Albinit fitoren, si Trumpit, dhe mos t’ju mbysë xhelozia!

“Nga viti 2025, rritet paga bazë e ushtarit për 18%. Pra, nga 616 sa është aktualisht do të arrijë në 726 euro”, ka shkruar Maqedonci në Facebook, pak kohë pas njoftimit që e bëri në një konferencë për media shefi qeveritar Albin Kurti bashkë me ministrin e Financave, Hekuran Murati.

Ata treguan se fillimisht rritje page do të ketë në janar, e më pas sërish në korrik të vitit që vjen.

Lexo më shumë  Çeku në Prizren: Nga ish-qeveritë nuk na dallon vetëm puna e suksesi por edhe vizioni për vendin tonë
YouTube player