Maqedonci e kongrsmeni Hamadeh flasin për arritjet e ushtrisë së Kosovës
Ministri i Mbrojtjes së Qeverisë së Republikës së Kosovës, Ejup Maqedonci së bashku me komandantin e FSK-së, gjenerallejtënant Bashkim Jashari, po qëndorojnë pë vizitë në ShBA.
Në kuadër të takimve të shumta, Maqdonci e Jashari sot kane qendruar në Kongres të Shteteve të Bashkuara të Amerikës, ku janë takuar me Abraham Hamadeh, kongresmen republikan nga Arizona.
Maqedonci ka thënë se me kongresmenin Hamadeh, i cili ka përvojë në ushtrinë amerikane dhe që aktualisht shërben në Komitetin e Forcave të Armatosura të Dhomës së Përfaqësuesve, kanë diskutuar për sfidat globale të sigurisë dhe ndikimin e tyre në rajonin dhe në vendin tonë në veçanti.
“Bashkë me komandant Jasharin, biseduam me kongresmenin Hamadeh edhe për zhvillimet e kohëve të fundit në Kosovë dhe veçanërisht për arritjet e ushtrisë së Kosovës. Tutje diskutuam edhe për rëndësinë e vëmendjes amerikane ndaj rajonit të Ballkanit perëndimor dhe prezencës ushtarake të Shteteve të Bashkuara në Kosovë. Shtetet e Bashkuara të Amerikës kanë qenë dhe mbeten aleat i pazëvendësueshëm në rrugëtinin drejt zhvillimit dhe fuqizimit të shtetësisë së Kosovës”, ka thënë Maqedonci.
Rruga Press