Mali i Zi hakmerret ndaj Vuçiç, i ndalon hyrjen djalit të tij

Djali i presidentit të Serbisë Aleksandër Vuçiç, Danilo i është ndaluar hyrja në Malin e Zi. Për gazetën serbe “Danas”, disa zyrtarë malazezë u shprehën jozyrtarisht se shkaku i pengimit të hyrjes së djalit të kreut të shtetit serb janë “lidhjet me grupet ekstremiste nacionaliste dhe grupet kriminale serbe”. Vendimi i shteti malazez është miratuar që në muajin mars.

Marrëdhëniet mes Malit të Zi dhe Serbisë janë përkeqësuar që prej vitit 2016 kur dështoi puçi ndaj presidentit të kohës Milo Gjukanoviç dhe qeverisë. Serbia u akuzua nga autoritetet malazeze se ishte organizatore e këtij skenari të errët politik. Në muajin shtator përplasjet mes dy shteteve arritën kulmin për emërimin e kreut të Kishës Serbe në Malin e Zi. Qytetarët malazezë bllokuan rrugët drejt kishës duke e konsideruar provokim politik.

Rruga Press