Macroni nga Kajro kundërshton çdo zhvendosje, aneksim në Gaza dhe Bregun Perëndimor
Presidenti francez Emmanuel Macron tha gjatë një vizite në Kajro të hënën, se ai ishte fuqimisht kundër çdo zhvendosjeje ose aneksimi në Gaza dhe Bregun Perëndimor të pushtuar nga Izraeli.
“Kjo do të ishte një shkelje e ligjit ndërkombëtar dhe një kërcënim serioz për sigurinë e të gjithë rajonit, duke përfshirë Izraelin,” tha ai, teksa takoi homologun e tij egjiptian Abdel Fattah al-Sisi.
Macron tha gjithashtu se Hamasi nuk duhet të ketë asnjë rol në qeverisjen e Gazës.
Ai tha se grupi palestinez, “nuk duhet të përbëjë më një kërcënim për Izraelin”, ndërsa përsëriti “mbështetjen e tij të plotë për planin e rindërtimit të Gazës” të miratuar nga Liga Arabe.
Franca do të riafirmojë “kundërshtimin e saj ndaj lëvizjeve të detyruara të popullsisë” dhe do të shprehë mbështetjen e saj për planin arab, i hartuar si përgjigje ndaj planit Trump, tha presidenca franceze.
Kjo nismë, e përgatitur nga Egjipti, planifikon të rindërtojë Rripin e Gazës pa zhvendosur banorët e Gazës.
Parisi beson, megjithatë, se ky plan duhet të “forcohet më tej”, veçanërisht për “sigurinë” dhe “qeverisjen” e territorit palestinez, për të siguruar amerikanët hezitues. Vendet arabe po planifikojnë një kthim gradual të Autoritetit Palestinez, në dëm të Hamasit, i cili ka sunduar territorin që nga viti 2007./ France 24.
Rruga Press
