Macroni: Asgjë nuk justifikon sulmet ndaj civilëve dhe infrastrukturës

Presidenti francez Emmanuel Macron ka deklaruar se sulmet ndaj civilëve dhe infrastrukturës civile duhet të ndalen në konfliktin midis Izraelit dhe Iranit, duke shtuar se Teherani duhet të tregojë gatishmërinë e tij për t’u rikthyer në tryezën e negociatave në lidhje me programin e tij bërthamor.

“Prej disa ditësh, Franca ka pasur një zë të qartë dhe të thjeshtë: nuk ka asnjë justifikim për sulme kundër infrastrukturave energjetike dhe popullatës civile”, u tha ai gazetarëve kur mbërriti në shfaqjen ajrore të Parisit.

Macron tha se bisedimet me Iranin mbi një marrëveshje të mundshme që do t’i jepte fund luftës “duhet” të përfshijnë financimin e grupeve të ndërmjetësuara nga Irani në të gjithë rajonin, si dhe lirimin e “pengjeve” të mbajtura nga Irani.

Rruga Press