Macron e kërcënoi Kosovën me pezullim të vizave, Vuçiq e falënderon “për miqësinë”

October 17, 2023 user 1

Presidenti i Serbisë, Aleksandar Vuçiq, ka komentuar deklaratat që ka dhënë presidenti i Francës, Emmanuel Macron, në një konferencë në Tiranë.

Macron paralajmëroi Kosovën me “pezullim të vizave”, duke akuzuar palën kosovare se “s’po i mban fjalët”. Ai tha po ashtu se presidenti i Serbisë, Aleksandar Vuçiq, duhet të dënojë sulmin terrorist të 24 shtatorit në Banjskë, ku vdiq rreshteri policor Afrim Bunjaku dhe u plagosën dy policë tjerë.

Lexo më shumë 24 pjesëtarë të Njësive Speciale certifikohen për aftësi të veçanta

“Nuk dua të komentoj këtë. Është vendim i njërës prej vendeve më të fuqishme evropiane. Faleminderit Macronit për shumë gjëra tjera, për miqësinë që tregon ndaj Serbisë. Për vërejtjen që bëri se duhet të dënojmë dhunën në Banjskë. Ne e kemi bërë këtë disa ditë rresht, madje mendoj se i kam thënë këtë edhe Macronit kur kemi qenë në takim në Granadë”, ka thënë Vuçiq.

Lexo më shumë Politikani serb Dragan Shormaz: “NIS”-i për Rusinë është instrument destabilizimi në Evropë dhe platformë inteligjence

Rruga Press