LVV: Kaluam me sukses çdo sfidë përkundër sfidave globale

Lëvizja Vetëvendosje ka publikuar një video përmbledhëse të mandatit të saj 4-vjeçar në qeverisje, ku në të theksohen arritjet e qeverisë.

Në këtë video, VV-ja krenohet me luftën kundër korrupsionit, vizat, sovranitetin në veri.

Qeveria Kurti është qeveria e parë në historinë tonë politike që realizon një mandat të plotë. Ky mandat katërvjeçar u shënua nga suksese të rëndësishme dhe sfida të mëdha. Katër vite për Republikën, katër vite që i dhanë shtetit themel të fuqishëm dhe qytetarëve dinjitet.

Kosova sot është më e sigurt, më e fortë dhe më e zhvilluar se kurrë më parë, me rend, ligj dhe shpresë në çdo cep të vendit. Zgjedhjet e 9 shkurtit dëshmuan punën tonë të mirë gjatë këtij mandati. Na presin shumë punë të mira edhe në mandatin e ardhshëm. Po jetojmë në rrethana të vështira globale, por vetëm me qeverisje të mirë mund të triumfojmë”, thuhet ndër tjera në përshkrim.

Rruga Press