Lufta në Ukrainë, zbulohen përplasjet me Johnson dhe Macron

”Ju keni të paktën 20,000 tanke. Ukraina ka kërkuar një për qind të të gjithë tankeve tuaja. Jepini ose na i shisni, por ne nuk kemi një përgjigje të qartë” tha presidenti ukrainas Volodymyr Zelenskyy gjatë fjalimit të tij në Samitin e NATO-s.

Pas kësaj deklarate të presidentit ukrainas, kryeministri britanik Boris Johson u shpreh se Britania dëshironte të ndihmonte Ukrainën, por pranoi se kishte ‘probleme logjistike’ dhe u bëri thirrje vendeve të aleatëve perëndimorë të Ukrainës që t’i sigurojnë vendit automjet të blinduara.

“Për këtë qëllim, atij i duhet armaturë siç e sheh. Ne po shikojmë se çfarë mund të bëjmë, por duhet t’ju them se nga pikëpamja logjistike për momentin duket shumë e vështirë si me forcat e blinduara ashtu edhe me avionë”, u shpreh Johnson.

Por presidenti francez Emmanuel Macron ka kundërshtuar sugjerimin e Johnsonit.

Macron është shprehur se furnizmi I Ukrainës me tanke dhe avionë do të dërgonte NATO-n në një konflikt me Rusinë, sipas tij çështja është një ‘vijë e kuqe’.

Kjo mosmarrëveshja mes dy liderëve europian erdhi pasi udhëheqësit e NATO-s u takuan në Bruksel të enjten për të diskutuar përgjigjen e saj ndaj pushtimit rus të Ukrainës.

Organizata, e cila tashmë ka forcuar krahun e saj lindor me 40,000 trupa të përhapura nga Balltiku në Detin e Zi, ra dakord të ngrejë njësi të reja luftarake në Bullgari, Rumani, Hungari dhe Sllovaki.

Por NATO hodhi sërisht poshtë lutjet e Kievit për të vendosur një zonë ndalim-fluturimi dhe tha përsëri se nuk do të dërgojë trupa në Ukrainë nga frika se do të tërhiqej në një konfrontim të plotë ushtarak me Rusinë.

Udhëheqësit e NATO-s thanë në një deklaratë të përbashkët se ishin ‘të bashkuar dhe të vendosur për të kundërshtuar agresionin e Rusisë, për të ndihmuar qeverinë dhe popullin e Ukrainës dhe për të mbrojtur sigurinë e të gjithë aleatëve’.

Rruga Press