Lufta në Ukrainë/ SHBA ndalon marrëdhëniet tregtare me Moskën

Presidenti amerikan Joe Biden ka nënshkruar ligjin që ndalon importet e energjisë nga Rusia dhe një ligj që ndërpret marrëdhëniet normale tregtare me Moskën. 

Kjo është bërë e ditur nga Shtëpia e Bardhë në një shënim. Dy masat, me të cilat Shtetet e Bashkuara vazhdojnë të rrisin presionin ndaj Rusisë në përgjigje të pushtimit të Ukrainës, u miratuan nga Dhoma e Përfaqësuesve dhe Senati.

Ndërsa sipas medias ruse Ria Novosti, Shtetet e Bashkuara duan ta shohin Rusinë të mundur në Ukrainë.

“Ne duam të shohim Vladimir Putnin dhe ushtrinë ruse të humbasin këtë betejë në territorin ukrainas. Sigurisht që ne duam që kjo luftë të përfundojë dhe të mos e shohim Ukrainën duke u shkatërruar por duam që Ukrainë të marr integritetin e saj’ është shprehur zëdhënësi i Pentagonit, John Kirby, sipas Ria Novosti.

Rruga Press