Lista e Zezë e LDK-së: Si u Goditën Shteti, Qytetarët dhe Mërgata në 10 Ditë

Shkruan Xhevdet Pozhari

LDK në vetëm këto 10 Ditë:

1. Nuk votoi për qeverinë Konjufca.

2. Nuk votoi për buxhetin e tri komunave, përfshi Prishtinën, Gjilanin dhe Zubin Potokun.

3. Nuk votoi për buxhetin 4 miliardësh të shtetit për vitin 2026.

4. Nuk votoi për marrëveshjet ndërkombëtare në vlerë mbi 1.1 miliard euro.

5. Nuk votoi për punëtorët e RTK-së, të cilët mbeten pa paga.

6. Hodhi fajin te qeveria për pagat e transportit publik, pastaj u pa që ishte mosdije dhe propagandë. Kryeqyteti, ende pa transport publik, punëtorët e trafikut urban ende pa paga.

7. Doli kundër datës 28 që mundëson pjesëmarrje më të madhe të mërgatës në zgjedhje.

8. U ankua që të largohet opsioni i hapësirave shtesë për votim që lehtësojnë votimin e mërgatës.

9. Kryetari i saj, mes shumë fjalimeve populiste, provoi të mashtroj duke u thënë mërgimtarëve “regjistrohuni dhe ejani votoni”, që të dyja dihet që janë të pamundshme.

10. LDK mbeti e vetme në koalicion dhe si prurje kryetari i saj prezantoi kandidaten që nuk u zgjodh as në Asamblenë e Ferizajt dhe Ukë Rugovën.

Vetëm në 10 ditë, LDK ka dhënë këto goditje ndaj shtetit, qytetit, qytetarëve, mërgatës dhe punëtorëve. Nuk është çudi që kryetari i saj shpreson që Zoti t’i japë dije e maturi për zgjedhjet e 28 dhjetorit! Sepse veç Zoti mundet me e udhëzu këtë njeri!

Rruga Press