Lirohet djaloshi tetëvjeçar në Siri i cili ishte kidnapuar në nëntor

February 14, 2022February 14, 2022 user 1

Një djalë tetëvjeçar, kidnapimi i të cilit shkaktoi zemërimi në Siri, është liruar nga kidnapuesit, raporton BBC.

Në rrjete sociale ka qarkulluar një video ku shiheshin kidnapuesit duke e torturuar tetëvjeçarin.

Fawaz Al-Qataifani është liruar të shtunën, pasi familja e tij ka paguar një shumë të parave të cilën kërkoi banda që ishte prapa kidnapimit të tij.

Lexo më shumë Mbi 20,000 fëmijë janë të varrosur, të bllokuar, të ndaluar dhe të humbur, mes luftës në Gaza

Banda e kishte kidnapuar djaloshin në provincën Deraa në nëntor, kanë njoftuar mediumet siriane.

Djaloshi tetëvjeçar duket në gjendje të mirë shëndetësore, ndërsa dha një intervistë televizive duke treguar periudhën e tmerrit të kaluar.

Policia në Siri ka arrestuar javën e kaluar katër persona të dyshuar duke gjurmuar numrat e telefonit që ishin përdorur për të dërguar kërcënime te familjarët.

Kidnapuesit më pas u pajtuan dy herë për vendin dhe kohën me familjen e Fawazit se ku duhet bërë dërgesa e parave, por dështuan të paraqiteshin në të dy rastet, siç ka treguar komanduesi i Policisë në Deraa, Diriar al-Dandal.

Lexo më shumë Ukrainasit përdorin për herë të parë raketat e veçanta amerikane mbi trupat ruse, lansohen nga HIMARS-i

Të shtunën, ata i thanë babait të Fawazit të sjellë një shumë afro 200 mijë dollarë në një vend në afërsi të qytetit Nawa.

Pasi morën paratë, ata lanë Fawazin jashtë një barnatore.

Rruga Press