Lihet në fuqi sekuestrimi i pasurisë së ish-ministrit Lefter Koka

January 18, 2022 user 1

Gjykata e Apelit të Posaçëm Kundër Korrupsionit dhe Krimit të Organizuar ka miratuar shkallën e parë duke lënë nën sekuestro kantinën e pijeve alkoolike Gjergj Kastrioti, në pronësi të ish-ministrit Lefter Koka, sekuestruar pas arrestimit të tij.

“Komunikohet në mënyrë të përmbledhur se, sot më datë 18.01.2022, në Gjykatën e Posaçme të Apelit për Korrupsionin dhe Krimin e Organizuar, u shqyrtua çështja me nr. 13 akti, datë 07.01.2022 regjistrimi, mbi ankimin e të hetuarit (ankues) L.K., lidhur me “Heqjen e sekuestros preventive, të vendosur me vendimin nr. 484, datë 13.12.2021 të Gjykatës së Posaçme të Shkallës së Parë për Korrupsionin dhe Krimin e Organizuar”, ku trupi gjykues monokratik i Gjykatës së Posaçme të Apelit për Korrupsionin dhe Krimin e Organizuar, vendosi, miratimin e vendimit nr. 484 akti, datë 13.12.2021 të Gjykatës së Posaçme të Shkallës së Parë për Korrupsionin dhe Krimin e Organizuar në pikat 1, 4, 5, 8 dhe 9 të tij, që lidhen me pasuritë e ankuesit”, thuhet në njoftimin e Apelit të GJKKO.

Lexo më shumë Zgjedhjet e 9 shkurtit, Konjufca fton mërgimtarët që të regjistrohen dhe të shfrytëzojnë të drejtën për të votuar në ambasada ose konsullata

Ish-ministri i Mjedisit, Lefter Koka, më 14 dhjetor, u prangos nga SPAK për dosjen e inceneratorit në Elbasan. Prokuroria e Posaçme akuzon ish-ministrin për tre akuza: “shpërdorim i detyrës”, “pastrim parash” dhe korrupsion”.

Rruga Press

Lexo më shumë Rama nuk di ku të çojë paratë/ Sufiçiti i buxhetit arrin në mbi 720 milionë euro