Leposaviqi merr vendim t’i bashkohet Asociacionit të Komunave të Kosovës

Komuna e Leposaviqit sot ka marrë vendim që t’i bashkohet Asociacionit të Komunave të Kosovës.

Kështu ka bërë të ditur përmes një postimi në Facebook, këshilltari i ministrit Elbert Krasniqi, Alban Uka.

“Në këto momente në Kuvendin Komunal të Leposaviqit përmes votimit pa asnjë kundërshtim u votua që Komuna e Leposaviqit t’i bashkohet Asociacionit të Komunave të Kosovës!

Na priftë e mbara!”, ka shkruar Uka.

Kryetar i komunës së Leposaviqit është Lulzim Hetemi nga Lëvizja Vetëvendosje, i cili u zgjodh kryetar në zgjedhjet e jashtëzakonshme që janë mbajtur më 23 prill 2023, pas dorëheqjes së katër kryetarëve të komunave veriore, me shumicë serbe.

Rruga Press