LARVAT E MIZAVE, “NË PUNË”! Përpunojnë mbeturinat më mirë se makineritë. Vilnius i Lituanisë kursen deri në 2 mln euro në vit

Në Vilnius të Lituanisë, mbeturinat ushqimore po përpunohen në mënyrë inovative nga larvat e mizave, të cilat konsumojnë deri në 11 ton mbetje në ditë. Kjo zgjidhje po ndihmon qytetin të kursejë edhe një vlerë të konsiderueshme parashë.

Në kryeqytetin e Lituanisë, Vilnius, është duke u zbatuar një mënyrë shumë interesante për të përpunuar mbeturinat ushqimore: përdorimi i larvave të mizave.

Kjo metodë inovative po ndihmon qytetin jo vetëm të pastrohet, por edhe të kursejë para.

Çdo vit, rreth 607,000 banorë prodhojnë më shumë se 2,700 ton mbetje ushqimore.

Për t’i ndarë këto mbetje nga plehrat e tjera, banorëve u janë shpërndarë qese portokalli të posaçme.

Bashkë me këtë, është zhvilluar edhe një fushatë ndërgjegjësimi me influencues në rrjetet sociale, për t’i ndihmuar njerëzit të kuptojnë rëndësinë e ndarjes së mbetjeve dhe mënyrën e saktë për ta bërë këtë.

Nga viti i kaluar, në të gjithë Lituaninë është bërë e detyrueshme me ligj që mbeturinat ushqimore të mblidhen veçmas nga plehrat e tjera.

Këto mbetje më pas dërgohen në një fabrikë të veçantë, ku ndodhet një mjedis i kontrolluar me rreth 6 milionë miza.

Këto miza shumohen shumë shpejt çdo femër mund të lëshojë rreth 500 vezë gjatë jetës së saj prej vetëm 3 javësh.

Kur vezët çelin, lindin larvat, të cilat janë shumë të uritura dhe hanë me shpejtësi deri në 11 ton mbeturina ushqimore në ditë, sidomos në ditët e para të jetës së tyre.

Ky proces i natyrshëm dhe efikas ndihmon që mbeturinat të mos përfundojnë në landfille apo të ndotin mjedisin.

Kompania që e menaxhon këtë proces, nuk e ngarkon qytetit ndonjë tarifë për këtë shërbim. Përkundrazi, falë kësaj metode, Vilniusi kursen deri në 2 milionë euro.

Rruga Press