Kuvendi i Kosovës miraton Rezolutën që dënon sulmin terrorist të Serbisë ndaj Kosovës

Kuvendi i Kosovës miratoi Rezolutën ku dënohet ashpër sulmi i Serbisë ndaj Policisë së Kosovës në Banjskë të Zveçanit.

Pro rezolutës votuan 97 deputetë.

“Kuvendi i Kosovës e dënon me termat më të ashpër sulmin terrorist të organizuar nga Republika e Serbisë mbi Policinë e Kosovës”, tha Konjufca, duke lexuar pjesë të rezolutës.

Deputetët e Kuvendit të Kosovës përmes kësaj rezolute kërkuan po ashtu nga faktori ndërkombëtar që të ballafaqojë Serbinë me rolin e saj në raport me organizimin dhe mbështetjen e çfarëdollojshme që i ka bërë grupit terrorist për sulmin ndaj Kosovës.

Deputetët vlerësuan edhe angazhimin e jashtëzakonshëm të institucioneve vendore të sigurisë dhe partnerëve ndërkombëtarë.

Rruga Press