Kushtetuta lejon zgjedhjen e kryeministrit dhe ministrave duke qenë deputetë. Pra lejon të qenit deputet, dhe më pas të votohen për ministra
Shkruan Hysamedin Feraj
Edhe një herë:
Po të mjaftonte leximi i ligjit fjalë pas fjale,
nuk do kishte nevojë për arsimim specifik në jurisprudencë: çdo njeri që njeh alfabetin e lexon ligjin, dhe kaq!
Megjithatë, edhe fjalë për fjalë:
■ Kushtetuta nuk i ndalon ministrat të kandidohen e të zgjidhen deputetë, pa dhënë dorëheqje nga detyra e tyre. Kërkesa ligjore kushtetuese për dorëheqje si kusht me u kandidu dhe me u zgjedh deputet/e është krejt e qartë dhe e specifukuar hollësisht, në detaj (73)
■ Kushtetuta lejon zgjedhjen e kryeministrit dhe ministrave duke qenë deputetë. Pra lejon të qenit deputet, dhe më pas të votohen për ministra (96/6).
■ Po ky nen ia lë ligjit të rregullojë papajtueshmërinë e anëtarëve të qeverisë me funksionet e tyre (96/7). Por nuk ia lë ligjit ta anullojë ose amendojë nenin kushtetues paraprak (96/6). Këtë e ka vendosur tashmë vetë kushtetuta, pa ia lënë ligjit.
■ Kushtetuta thotë se “Kushtetuta është akti më i lartë juridik i Republikës së Kosovës. Ligjet dhe aktet e tjera juridike duhet të jenë në pajtim me këtë kushtetutë” (neni16/1).
■ Nëse ekziston një ligj që i ndalon ministrat të jenë deputet pa dhënë dorëheqjen, atëherë ky ligj nuk është në pajtim me kushtetutën (nenet e mësipërm)
____________________________________
E tani: cili ka përparësi – ligji apo kushtetuta?
Kjo është çëshjte e hierarkisë ligjore.
◇ Në disa kultura përparësi ka, sipas radhës:
1. Urdhëri i shefit (sidomos kur jepet me telefon);
2. Akti administrativ;
3. Akti nënligjor;
4. Ligji;
5. Kushtetuta.
◇ Në disa kultura përparësi ka, sipas radhës:
1. Kushtetuta;
2. Ligji;
3. Akti nënligjor;
4. Akti administrativ;
5. Urdhëri i shefit.
Në cilën kulturë përkisni, të dashur lexues?
Rruga Press
