Kurti takon shefin e Zyrës së BE-së, Aivo Orav – flasin për zgjedhjet dhe formimin e Qeverisë

February 18, 2025 user 1

Kryeministri i Republikës së Kosovës, Albin Kurti, priti sot në takim Shefin e Zyrës së Bashkimit Evropian në Kosovë, ambasadorin Aivo Orav.

Sipas njoftimit të Kryeministrisë, ambasadori Orav vlerësoi pozitivisht procesin zgjedhor të 9 shkurtit, duke e cilësuar atë si të rregullt dhe pa incidente dhe theksoi se pozitivisht është vlerësuar edhe nga Brukseli.

Lexo më shumë Profesori në Universitetin e Londrës, Hehir: Qeveria Kurti bëri në veri atë që do të bënte secili shtet që respekton veten

“Ambasadori Orav e uroi kryeministrin për fitoren dhe rezultatin në këto zgjedhje. Bashkë, diskutuan për hapat e mëtejmë drejt konstituimit të Kuvendit dhe formimit të Qeverisë së re të Republikës së Kosovës”, thuhet në njoftim.

Gjithashtu, në takim u diskutua edhe për domosdoshmërinë e heqjes së masave ndaj Kosovës nga Bashkimi Evropian dhe nevojën për shqyrtim sa më të shpejtë të aplikimit të Kosovës për anëtarësim në BE.

Lexo më shumë Zelensky: SHBA-ja po e ndihmon Rusinë që të dalë nga izolimi global. Trumpi jeton në një hapësirë dezinformimi

Rruga Press