Kurti takohet me ministrin sllovak, ia kërkon njohjen e Kosovës

Kryeministri Albin Kurti u takua me ministrin e Jashtëm të Sllovakisë, Ivan Korçok, në forumin “GLOBSEC 2022” të shtunën. Kërkesa kryesore e Kurtit drejtuar Korçokut ishte që Sllovakia ta njohë Kosovën si shtet.

Përveç njohjes, Kurti përmes Twitterit bëri të ditur se me Korçokun diskutoi edhe për përafrimin e vendeve me të gjitha demokracitë e tjera për sanksionimin e pushtimit rus.

“Shkëmbim informacionin me ministrin e Jashtëm sllovak Ivan Korçok në GLOBSEC 2022. Theksova nevojën që Sllovakia t’i bashkohet shumicës dërrmuese të vendeve të BE-së dhe NATO-s në njohjen e Kosovës”, shkroi Kurti në Twitter.

Kurti po qëndron në Bratislavë që nga dita e premte, ku po merr pjesë në forumin “GLOBSEC 2022”.

Informative exchange with FM of 🇸🇰 @IvanKorcok at #GLOBSEC2022. We discussed our countries alignment w/ all other democracies on sanctioning Russian invasion of 🇺🇦.
I emphasised the need for Slovakia to join the vast majority of EU and NATO countries in recognizing Kosova. pic.twitter.com/EpYKaRFL7B

— Albin Kurti (@albinkurti) June 3, 2022

Rruga Press