Kurti takohet me ambasadorin turk, flasin për zhvillimet e fundit në vend

February 21, 2025 User2

Kryeministri në detyre i Republikës së Kosovës, Albin Kurti, u takua sot me Ambasadorin e Turqisë në Kosovë, Sabri Tunç Angili, me të cilin bëhet e ditur se diskutuan për marrëdhëniet dypalëshe dhe zhvillimet e fundit në vend, e në mesin e temave ishin mbarëvajtja e zgjedhjeve parlamentare të 9 shkurtit dhe përmbyllja e procesit zgjedhor.

Lexo më shumë Ambasadori i Shqipërisë në Shkup, Denion Meidani priti në takim ish-ministrin Fërçkoski që dikur kërcënonte me spastrim etnik se "shqiptarët do të përfundojnë në Adriatik e do të notojnë për në Itali"

Në kumtesën për media nga kryeministria theksohet se Kurti falënderoi ambasadorin për bashkëpunimin dhe rolin e tij në fuqizimin e marrëdhënieve ndërmjet Republikës së Kosovës dhe Republikës së Turqisë në fusha të ndryshme e me interes të përbashkët.

“Gjatë bisedës, kryeministri gjithashtu theksoi takimin me ministrin e Punëve të Jashtme të Turqisë, Hakan Fidan, në kuadër të Konferencës së Sigurisë në Mynih, me të cilin kishin diskutuar për marrëdhëniet dhe bashkëpunimin bilateral Kosovë-Turqi, veçanërisht në fushën e mbrojtjes”, thuhet tutje në njoftim.

Lexo më shumë Deputetët e rinj që do t'i zëvendësojnë ministrat e emëruar në Qeverinë Kurti 3

Rruga Press