Kurti: S’ka asnjë shkresë apo dokument për çnjohje nga Togo

February 16, 2023 user 1

Kryeministri i Kosovës, Albin Kurti, ka thënë se Qeveria e Kosovës nuk ka pranuar asnjë dokument, vendim apo shkresë nga Togo për çnjohje.

Kurti është pyetur në Kuvend nga deputetja e PDK-së, Ariana Musliu Shoshi, në lidhje me deklaratat e ministrit të Jashtëm të Togos, Robert Dussey, që tha në Beograd se Togo ka tërhequr njohjen e Kosovës. Dussey kishte thënë këto më 16 janar.

Lexo më shumë Të arrestuarit në Kosovë për mbishkrimet nxitëse në gjuhën serbe, pjesëtarë të Ushtrisë së Malit të Zi

E ndaj kësaj kishte reaguar në Facebook më pas ministrja e Jashtme e Kosovës, Donika Gërvalla Sch]arz, që tha se Togo kishte tërhequr njohjen në vitin 2019.

“Nuk kemi pranuar dokument nga Togo. Nuk kemi asnjë indikacion e aq më pak vendim për shkëputje të marrëdhënieve. Marrëdhëniet ndërkombëtare nuk po tkurren me gjithë fushatën e egër të Serbisë. S’ka as dokument, as vendim, asnjë shkresë nga Togo për çnjohje. As nuk ka ardhur e as nuk ekziston. Deklarimet e bëra në Beograd të zyrtarëve të caktuar nuk mund të influencojmë. Por, kjo në aspektin zyrtar ndërshtetëror, protokollar, s’ka asnjë vlerë”, ka thënë Kurti.

Lexo më shumë Nxirrnin gurë dekorativë në zonën e mbrojtur të malit të Tomorit, tre të arrestuar! Nën hetim drejtori dhe specialisti i AZDM-së Berat

Rruga Press