Kurti: Në vend që të ketë memorial në Batajnicë, Serbia bën stërvitje ushtarake
Kryeministri i Kosovës Albin Kurti përmes rrjetit Twitter ka reaguar pas stërvitjes së ushtrisë së Serbisë në Batajnicë, ku në vitin 2001 ishte gjetur një varr masiv me eshtra të 744 shqitarëve të Kosovës.
Kurti është shprehur se në vend që aty të ketë një memorial për këto viktima të luftës, Serbia bën ushtrime ushtarake.
“Në një varr masiv në Batajnicë, u fshehën trupat e 744 shqiptarëve të Kosovës, përfshirë këtu 46 anëtarë të familjes Berisha. Në vend të një memoriali për viktimat e luftës, Serbia po zhvillon atje stërvitje ushtarake për “Ditën e Forcave të Armatosura”. Trupat mund të fshihen, por e vërteta nuk mund të varroset”- ka shkruar Kurti.
In a mass grave in Batajnica, the bodies of 744 Kosova Albanians were hidden, incl. 46 members of the Berisha family. Instead of a memorial to war victims, Serbia is holding military exercises there for "Armed Forces Day". Bodies can be hidden, but the truth cannot be buried.
— Albin Kurti (@albinkurti) April 22, 2023
Në këtë shfaqje të ushtrisë së Serbisë kanë marr pjesë edhe pjesëtar të partisë Lista Serbe.
Rruga Press