KryesoreLajme

Kurti në podcastin e Ditmir Bushatit: Konflikti midis kombit shqiptar dhe Beogradit nuk ka përfunduar ende

Ish-ministri i Jashtëm i Shqipërisë, Ditmir Bushati, përmes një klipi të shkurtër, ka lajmëruar në platformën X se i ftuari i radhës në podcastin e tij ‘Public Square’ është Kryeministri i Kosovës, Albin Kurti.

Kurti në intervistën që do publikohet e plotë sot (30 mars) në orën 18:00 në Youtube, ka thënë se për të dalluar qëndrimet e politikanë shqiptar në raport me Beogradin, mjafton që t’i pyesësh se çfarë qendrimi kanë për Vuçiqin.

Konflikti kryesor i shekullit XX është midis kombit shqiptar dhe Serbisë si shtet. Jo midis serbëve dhe shqiptarëve. Dallimi kombëtar nuk ka prodhuar konflikte, por Beogradi ka qenë qendra e një imperializmi të vockël. Në botë nuk ka vetëm imperializëm të madh, por dhe imperializma të vegjel, të cilët janë shumë të mëdhenj për fshqinjët“, tha Kurti.

Lexo më shumë  8 mijë euro gjobë për PDK-në, shkak fjalimi i Sami Lushtakut “T’i çojna mesazh Albin Kurtit dhe zagarve të tij”

Ne i kemi të gjitha këto probleme që nga Lidhja e Prizrenit e këtej dhe që shfaqen tek politikanët sepse vetëm pyeti se çfarë të thonë për Presidentin e Serbisë, Aleksandar Vuçiq dhe nga këto dallime mund të gjesh shumë kollaj edhe shkakun, jo vetëm korrelacionin me dallimet që i kemi pastaj me njëri tjetrin. Pra, në njëfarë mënyre, konflikti midis kombit shqiptar dhe Beogradit nuk ka përfunduar ende. Dallimet që i kemi me njëri tjetrin në raport me këtë konflikt, në raport me Serbinë, janë shndërruar edhe në pengesa të brendshme“, përfundon Kurti.

Videoja e plotë do publikohet në llogarinë në Youtube të Ditmir Bushatit.

Lexo më shumë  Nga Henry Ford te Elon Musk, pse industrialistët e mëdhenj tundohen kaq shpesh nga e djathta ekstreme?
YouTube player