Kurti në Pejë viziton familjen e dëshmorit të kombit, Shpëtim Bojku. “Sakrifica e dëshmorëve dhe martirëve është themeli i shtetit dhe i lirisë që e gëzojmë”

Kryeministri Kurti sot ndodhet në Pejë me takime të shumta para tubimit të madh. Ai sot ka vizituar familjen e dëshmorit Shëptim Bojku.

Postimi i plotë më poshtë:

Sakrifica e dëshmorëve dhe martirëve është themeli i shtetit dhe i lirisë që e gëzojmë.

Nderimi për veprën e tyre është i përhershëm siç është edhe mirënjohja për familjet e tyre.

Në Pejë vizituam familjen e dëshmorit të kombit, Shpëtim Bojku. Një luftëtar i dalluar i Ushtrisë Çlirimtare të Kosovës, që me trimëri e përkushtim të pashoq luftoi për çlirimin e atdheut. Në betejën e lavdishme të Koshares, duke luftuar ballë për ballë me forcat serbe, më 28 prill 1999, Shpëtim Bojku ra heroikisht në fushëbetejë.

Sakrifica e tij dhe e të gjithë të rënëve për liri mbetet frymëzim i përhershëm për të punuar me përkushtim për Republikën tonë!

Lavdi jetës dhe veprës së tij!

I përjetshëm qoftë kujtimi për të gjithë dëshmorët e kombit!

Rruga Press