Kryetari i Graçanicës, Letutrim Ajati akuzon Berat Buzhalën për shpifje dhe keqinformim publik

Letutrim Ajati ka reaguar publikisht ndaj raportimeve të Gazetës Nacionale dhe publicistit Berat Buzhala, duke i cilësuar ato si shpifje të qëllimshme dhe keqinterpretime të ligjit.

Në reagimin e tij, Ajati ka theksuar se nuk i përket Lëvizjes VETËVENDOSJE! dhe se pretendimet e ngritura ndaj tij dhe subjektit politik janë të pavërteta. Ai ka sqaruar se nuk ekziston asnjë koalicion politik, duke nënvizuar se çështja e nënkryetarit për komunitete është obligim ligjor i përcaktuar qartë me Ligjin për Vetëqeverisje Lokale, në komunat ku komunitetet joshumicë përbëjnë mbi 10 për qind të popullsisë.

Sipas Ajetit, Gazeta Nacionale dhe Berat Buzhala janë plotësisht të vetëdijshëm për këtë dispozitë ligjore, por megjithatë po zgjedhin të dezinformojnë opinionin publik me qëllim dëmtimin e individëve dhe nxitjen e narrativave të rreme politike.

Ai ka bërë thirrje që debati publik të bazohet në fakte dhe ligj, duke theksuar se shpifjet dhe manipulimet mediatike dëmtojnë besimin e qytetarëve dhe cilësinë e diskursit demokratik në vend.

Rruga Press