Kryeprokurori Isufaj pranon se dha miratimin për të hequr urdhërarrestin ndaj Radoiçiqit në vitin 2021

Kryeprokurori Blerim Isufaj në një konferencë për media ka treguar se urdhërarresti për ish-nënkryetarin e Listës Serbe, terroristin Milan Radoiçiq ishte tërhequr për një kohë në vitin 2021.

Isufaj ka thënë se tërheqja e urdhërarrestit është bërë me miratimin e tij, por që nuk mund të tregojë arsyet se pse ka ndodhur ajo.

“Është çështje e brendshme e prokurorisë, ne nuk mund të ndajmë shumë detaje. Ai nuk ka qenë kurrë në paraburgim, është tërheq për një kohë urdhërarresti, por më pas i është kthyer”, tha ai.

I pyetur nga gazetarët se a ka qenë në dijeni për heqjen e urdhërrestit ndaj tij, ai konfirmoi se pa miratimin e tij nuk do të kishte ndodhur.

“Pa miratimin tim nuk do të kishte mundur të ndodhte, pa arsyet nuk mund t’i jap. Nuk mundet opinion të i dijë të gjitha”, theksoi Isufaj para mediave.

Sa i përket kritikave të kryeministrit se prokuroria nuk ka ngritur ende asnjë aktakuzë për sulmin në Banjskë, Isufaj tha se kjo nuk është çështje e Kurtit.

“As nuk dua të komentoj, nuk është çështje e tij. Ne i ngrisim aktakuzat kur kemi prova, nuk mundet askush të na tregojë kur të ngrisim aktakuza”, pohoi ai.

Isufaj le të kuptohet që nuk ka pasur ndonjëherë prova për veprimet destabilizuese të Radoiçiqit në veri të vendit, prandaj edhe ka firmosur tërheqjen e urdhërarrestit.

Në anën tjetër, kjo nuk është e vërtet, sepse ka prova të shumta të përfshirjes së Radoiçiqit dhe Listës Serbe në akte kriminale dhe Isufajt i mbetet veç ta mbulojë përfshirjen e tij me heshtje dhe refuzim për tu përgjigjur.

Rruga Press