Kryeministri pro-rus i Sllovakisë, Robert Fico në spital pas të shtënave me armë

Kryeministri sllovak Robert Fico është qëlluar me armë zjarri, sipas raporteve të mediave lokale.

Agjencia e lajmeve TASR raportoi se Fico u qëllua përpara një ndërtese në Handlova, ku ishte mbajtur një mbledhje e qeverisë.

Sipas gazetarëve në vendngjarje janë dëgjuar disa të shtëna.

Ai është dërguar në spital dhe sulmuesi i tij i dyshuar është ndaluar nga policia.

Handlova është rreth 180 km në verilindje të kryeqytetit, Bratislava.

Një video tregoi disa burra që nxitonin për të arrestuar të dyshuarin jashtë qendrës kulturore në Handlova.

🚨 🇸🇰 Breaking: Slovakia

The Prime Minister of Slovakia Robert Fico has just been shot in public.

This comes only days after Fico formally & publicly rejected The WHO Global Pandemic Accord ‼️ pic.twitter.com/QIZOgGQCyE

— Concerned Citizen (@BGatesIsaPyscho) May 15, 2024

Në reagimin e saj fillestar ndaj të shtënave, presidentja në largim e Sllovakisë Zuzana Caputova tha se ishte e tronditur nga sulmi “brutal dhe i pamëshirshëm” ndaj kryeministrit dhe i uroi atij forcë për t’u rikuperuar.

Fico u kthye në pushtet në Sllovaki pas zgjedhjeve shtatorin e kaluar, në krye të një koalicioni populist-nacionalist.

Muajt e tij të parë si kryeministër kanë rezultuar shumë të diskutueshëm politikisht. Në janar ai ndërpreu ndihmën ushtarake për Ukrainën dhe muajin e kaluar mbështeti planet për të shfuqizuar transmetuesin publik RTVS.

Ky lajm i fundit po përditësohet dhe më shumë detaje do të publikohen së shpejti. Ju lutemi rifreskoni faqen për versionin më të plotë.

Rruga Press