Kryeministri: Japonia do të zgjerojë sanksionet kundër Rusisë, duke ndaluar importet e qymyrit dhe vodkës

Japonia do të zgjerojë sanksionet e saj kundër Rusisë, duke ndaluar importet ruse si qymyri dhe vodka dhe ngrirja e aktiveve të mbajtura nga bankat kryesore si Alphabank dhe Sberbank, tha të premten kryeministri japonez Fumio Kishida në një konferencë për shtyp.

Sanksionet e reja do të zvogëlojnë gjithashtu importet e qymyrit dhe investimet e reja në Rusi, në përputhje me masat e marra nga vendet e tjera të G7, shtoi Kishida.

Megjithatë, ai nuk dha një afat kohor specifik për heqjen e importeve të qymyrit, duke thënë se Japonia përdorte qymyr në sektorë të ndryshëm, duke përfshirë energjinë elektrike dhe çimento.

Ai shtoi se Tokio “do të duhet të marrë parasysh ato fusha dhe secilën nga situatat e tyre”.

Kishida dënoi veprimet e Rusisë në Ukrainë si “krime lufte” të pafalshme dhe tha se ato kanë shkelur ligjet ndërkombëtare humanitare.

Ai tha se masat ndëshkuese të Tokios kundër Moskës janë pjesë e përpjekjeve të Japonisë për të ndaluar një përshkallëzim të dhunës dhe për t’i dhënë fund pushtimit rus të Ukrainës sa më shpejt të jetë e mundur.

Rruga Press