Kreu i mercenarëve Wagner shihet si pasardhës i mundshëm i Putinit

Philip Ingram, një ish-oficer i inteligjencës britanike, tha për Sky News se ekziston një “kartë e çmendur” që mund të trondisë udhëheqjen ushtarake ruse, duke përshkruar kreun e Grupit Wagner, Yevgeny Prigozhin si “pasardhës të mundshëm” të Vladimir Putinit.

Duke shpjeguar ndryshimet, Ingram tha se gjenerali Sergey Surovikin nuk është zëvendësuar drejtpërdrejt si kreu i operacionit ushtarak brenda Ukrainës, por Valery Gerasimov ishte vendosur mbi të.

Ai tha: “Ai nuk është zëvendësuar, por dikush është vendosur mbi të, dhe ky është Gerasimov. Tani, Gerasimov… është ekuivalenti i shefit të shtabit të mbrojtjes në terma të Mbretërisë së Bashkuar.”

“Ai është një aleat i madh i Putinit, ai ka qenë në një rol planifikimi – një rol të madh që nga planifikimi i Luftërave Çeçene të vitit 1999 dhe sërish i rëndësishëm në aneksimin e Krimesë në 2014 dhe në këtë ‘operacion special ushtara’. Surovikin, i cili ishte komandant i të gjitha operacioneve në Ukrainë, është ulur në pozitë në një nga tre zëvendësit e tij. Por, ka një kartë të egër në të gjithë këtë…”

Kjo karakteristikë është shefi i mercenarëve të Wagner-it, Yevgeny Prigozhin. Është thënë se Putini, duke bërë ndryshimet e përshkruara më sipër, po promovon rolin e Ministrisë së Mbrojtjes dhe po përpiqet të pakësojë ndikimin e Prigozhin-it, i cili “bën si do vetë”.

“Janë trupat e Prigozhin-it që janë të përfshira në të gjitha luftimet që ne po dëgjojmë rreth qytetit Bakhmut dhe Soledar,” tha Ingram.

“Por ai ka një lidhje të drejtpërdrejtë me Putinin. Ai, në mënyrë rigoroze, duhet të punojë nën zinxhirin e komandës ushtarake, por duket se bën ashtu si do vetë.”

“Ai po merr përsipë në shumë zona të ndryshme. Ai gjithashtu thuhet se është një pasardhës i mundshëm i Putinit, nëse vjen puna aty- dhe ai ka qenë haptazi kritik ndaj [Ministrit të Mbrojtjes] Sergei Shoigu dhe Gerasimov-it.”

Rruga Press