Kosova zgjidhet anëtare e bordit menaxhues të IASIA, rrjetit më të madh në botë për edukim

Republika e Kosovës është zgjedhur anëtare e bordit menaxhues të Shoqatës Ndërkombëtare të Shkollave dhe Instituteve të Administratave – IASIA, rrjetit më të madh në botë për edukim dhe trajnim në fushën e administratës publike.

Në konferencën vjetore të IASIA-së ka marr pjesë zëvendësministri i Ministrisë së Punëve të Brendshme, Bardhyl Dobra.

Kjo konferencë është mbajtur në Mbretërinë e Marokut, nën patronazhin e lartë të lartmadhërisë së tij, Mbretit Mohammed VI.

“Gjatë ditës së djeshme, Republika e Kosovës u përzgjodh, përmes një procesi zgjedhor anonim, anëtare e bordit menaxhues të IASIA – rrjetit më të madh në botë për edukim dhe trajnim në fushën e administratës publike”, thuhet në njoftim.

Tutje është thënë se më këtë rast, është përzgjedhur që zëvendësministri Dobra, si i nominuar i Ministrisë së Punëve të Brendshme dhe Institutit të Kosovës për Administratë Publike, të përfaqësojë Republikën e Kosovës në këtë bord, si dhe të angazhohet për reformë në administratën publike dhe bashkëpunimin ndërkombëtar.

Po ashtu është njoftuar se në këtë konferencë kanë marr pjesë mbi 400 pjesëmarrës nga shumë vende të botës.

Rruga Press