Kosova në dhjetor aplikon për statusin e vendit kandidat në BE

November 26, 2022 user 1

Kryeministri Albin Kurti ka thënë se Kosova do të aplikojë për anëtarësim në Bashkimin Europian në dhjetor të këtij viti.

Kështu ka deklaruar ai në një intervistë për gazetarin e Frankfurter Allgemeine Zeitung, Michael Martens.

“Kosova do të aplikojë zyrtarisht për anëtarësim në BE në dhjetor”, ka njoftuar gazetari përmes një postimi në Twitter.

Lexo më shumë Muja i përgjigjet Bajramit: Nën autoritetin e saj janë nënshkruar 15 tenderë njëburimor, u avulluan edhe 529 mijë euro

Martens shkruan se kryeministri Kurti në këtë intervistë ka treguar se ka bërë kompromis për çështjen e targave pasi ishte paralajmëruar nga ambasadori amerikan në Prishtinë, Jeff Hovenier, se situata në veri të Republikës së Kosovës “mund të përkeqësohej rëndë dhe në mënyrë të pakthyeshme”.

Just had an extensive interview with Kosovo Prime Minister Albin Kurti after the “license plate crisis” seems to have been defused for the time being. Some of the key statements and topics:
— Michael Martens (@Andric1961) November 26, 2022

Gazetari i Frankfurter Allgemeine Zeitung njoftoi se po ashtu në intervistë u trajtuan shumë çështje të tjera si udhëtimi pa viza për në BE që nga viti 2024, anëtarësimi i Kosovës në Këshillin e Europës, etj.

Lexo më shumë Flamuri shqiptar ngrihet në New York në 112-vjetorin e shpalljes së pavarësisë

“Së shpejti. Jo në një kinema pranë jush, por në Frankfurter Allgemeine Zeitung”, paralajmëroi ai.

Rruga Press